சிம்புவையடுத்து 6 பேக் வைக்கும் பரத்

நடிகர் பரத் தன்னுடைய புது படத்திற்காக 6 பேக் வைக்கிறார்.

நடிகர் பரத்திற்கு காதல் படம் போன்று பிரேக் கொடுக்கும் மற்றொரு படம் இன்னும் அமையாமல் உள்ளது. இந்நிலையில் அவர் திருத்தணி மற்றும் 555 ஆகிய இரண்டு படங்களில் நடிக்கிறார். இதில் 555 என்பது ஆக்ஷன் படம். அதற்காக அவர் 6 பேக் வைக்கிறார்.

இது குறித்து பரத் கூறுகையில்,

சசி இயக்கும் ஆக்ஷன் படமான 555 எனக்கு நிச்சயம் ஒரு பிரேக் கொடுக்கும் என்று நம்புகிறேன். அந்த படத்தின் கதை அருமையாக உள்ளது. சசி எப்படி நடிக்கச் சொல்கிறாரோ அதே போன்று நடிப்பேன். படத்தில் நான் 6 பேக் வைத்திருக்க வேண்டும் என்று இயக்குனர் தெரிவித்துள்ளார். அதனால் ஜிம்மில் கடுமையாக ஒர்க்அவுட் செய்கிறேன் என்றார்.

இந்த படத்தில் பரத்துக்கு ஜோடியாக சாந்தினி நடிக்கிறார். சில முக்கிய காட்சிகள் மலேசியாவில் காட்சியாக்கப்பட்டுள்ளனவாம்.

முதலில் பாலிவுட்டில் தான் ஹீரோக்கள் 6 பேக் வைத்தனர். தற்போது அந்த டிரென்ட் கோலிவுட்டுக்கும் வந்துவிட்டது. ஒஸ்தி படத்திற்காக சிம்புவும் 6 பேக் வைத்தார் என்பது குறிப்பிடத்தக்கது.